Sheekooyin Jaceyl ah oo xiiso badan




Waxaan horay uga soo hadalnay sheekooyin kala duwan hadii ay ahaan lahayn shkeekooyin jaceyl iyo kuwo xikmad leh. Sheekooyinkaas waxaa kamid ah...


Sheeko jaceyl ah oo macaan

Sheekooyin taariikhi ah.

Sheeeko iyo Halxiraalo.

Sheeko Taxane ah

Aniga Iyo Sheeko



Waxaa sidoo kale ka hadalnay sida loo qoro erayo Jaceyl ah oo soo jiidasho leh taasoo kaa saacidi doonto sida aad ku soo jiidan lahayd qofka aad jeceshahay.



Erayadaas waxaa kamid ah


Erayo Jaceyl Oo Qalbiga Taabanayo

Xikmad Soo Jiidasho Leh

Erayo Jaceyl 2020

Nolosha Guurka

Erayo Jaceyl oo qalbiga taabanayo



Sheekooyin Jaceyl ah oo xiiso badan

Sheeko -Sheekooyin Jaceyl
Sheeko Sheeko

WIILKA IYO SHUKAANSI MAXAA KALA HEYSTO ?


Mustafa, Wuxuu ahaa Wiil weligiisa aanan Gabar la hadlin, waxaase jirtay gabar uu hadda ka hor uu kor ka arkay, inta uu muuqeeda la dhacay, Damac ka galay in uu Shukaansado.


Is araggoodii Koowaad waxey ku kulmeen meel Dariiq ah, waxey inantii ku ballimisay Gurigeeda oo Buuq yaraa oo ay iyada iyo Hooyadeed oo Suuqley ah ku noolaayeen.


Sidii ay ballantu ahayd, wuxuu ugu tagay Guri cidlo ah oo ay Gabadhu keligeed joogtay.


Qolkii fadhiga ayey wada Fariisteen, Salaan ka dib, ayaa wax uu u sheego iyo meel uu hadalka uga bilaabo Garan waayey.


Gabadhiina wey ka soo horjeeddaa oo sheeko ayeey ka sugeysaa, isna waa aamusan yahay.


Isagoo kala garan la' halka uu War uga bilaabo, ayaa gabadhii inta ay la hadashay, ku tiri, “Abboowe maad hadashid.”

Markaas baa wax uu sheego intuu garan waayey Wadaad buu ahaaye Wacdi Alle kacabsi ah u jeediyey.



Markuu wacdigii dhammeeyey, ayey tiri, “Shiikh, khayr Allaha ku siiyo,” waana la kala tagay.


Markii uu ka baxay ayuu Xanaaq Cunihii isgooyey. “Maxaad gabadha Maanta aad fursaddii la ogaa ku heshay Wacdiga ugu jeedisay? Maxaad sidaas iyo sidaas aad u dhihi weyday? Maxaad erayo Jaceyl ugu sheekeeyn weyday? Maxaa kugu dhacay,” ayuu isku Canaantay. “War heedhe sidaas ha ugu harin, waa Gurijoog oo meel kale aadi maysee, Berri ugu tag guriga, oo gabadha meel saar,” sheeko macaan uga sheekeey ayuu inta iskula sheekeystay, go’aan ku gaaray in uu berri Xaafaddii ugu tago.


Isla maalintii xigtay ayuu mar labaad gurigii ugu tagay, oo inta gurigii ugu tagay, oo laga furay, la fariisiyey halkiisii, lagana soo hor jeestay.


Haddana isla sidii oo kale ayuu hadalkii ugu dhegay, Waddadiisii ayuu misana maray oo, wuxuu jeediyey Wacdi. Laakiin wuxuu ku fiicnaa, Mawduucii hore waa ka leexdey, oo mid kale ayuu u saaray, si uu Wacdigu laftirkiisu xiiso u yeesho.

Wuxuu u jeediyey Wacdi quseeya Cibaadada. Markii uu dhammeeyey, ayey tiri, “Shiikh, Wallaahi Shiikh fiican baad tahay. Weligay ma arag Shiikh kaa mutadawacsan oo xitaa inta Guryaha taga, dadka khayrka iyo wanaagga u sheegaya.


Shiikhow, waxa aan kaa codsanayaa in aad berrina timaaddo, si aan Khayrkan uga faa’iideysanno.” “Waa yahay,” inta yiri, ayuu isaga oo aan Qanacsaneyn iska tagay.


Markuu soo baxay ayuu Habaar is kala daalay. Waxa uu qaatay Buug iyo Qalin, wuxuuna qoray sheeko macaan iyo sidii uu uga faa’iideysan lahaa Fursadda berri ah ee ay gabadhu ugu yaboohday, oo uu Danta uu leeyahay ugu sheegto.


Waxuu Sidoo kale qoray erayo jaceyl ah oo soo Jiidasho leh si, uu u xifdiyo markuu iyada arkana ku dhaho.

Erayadaas Jaceylka ah waxaa kamid ahaaa:


“Qalbi waxaa ugu wanaagsan qalbi aan aqoon ilaa run Maaahee. Dadkana waxaa ugu wanaagsan dad aan kugu ilaawin maalmaha, Ha u ahaato murug ama farxad. Ducana waxaa ugu wanaagsan Ducada laguu duceeyo adigoon ogeyn“.

Waxa ugu quruxda badan ee la helo nolosha ayaa ah Jaceyl, haduusan jirinna noloshu macno malahan. Mararka qaar noloshaada waxaa ku soo biiri doono qof kaa jeclaan doono wax walbaaa, farxadaaduna ay tahay farxadiisu, ilmadaaduna ay dhibeyso, haduu qofkaasi noloshaadu ku jiro ilaasho, noloshaadu waa qaali.


Maanta talada is kuma keli yeeline, akhyaar kale oo ay isku dhawaayeen ayuu la tashaday, markaas baa si Fiican looga dherjiyey qaabka iyo siduu ugu sheekeyn lahaa iyo waxa uu kala hadli lahaa gabadha uu rabo in uu Shukaansado.


Mustafa, markaan wuu dhaarsan yahay, waana diyaarsan yahay, wuxuuna soo sameeyey naqtiin badan, isaga oo Muraayada inta soo hor istaagey isa soo tijaabiyay.


Isaga oo saan gaabinaya, inta uu socdayna isla soo Sheekeysanayey, ku dheh erayo Jaceyl, ha cabsan, u sheego jaceylkaaga dhabta ah, ayuu gurigii inta yimid soo garaacay Albaabkii.

Inta gabadhii ka furtay ayey Qolkiisii fadhiga soo gelisey, mise waxaa la Xumaatay inuu wax kale sameeyo, meeshii ayuu Wacdigii ka jeediyey, wuxuuna jeediyey Wacdi laga maqsuuday, isaga oo ka hadlay Mowduuc isagaba ku cusbaa oo ku saabsanaa qaabka uu islaamku u jideeyay hanaanka Shukaansiga iyo Faa’iidada uu Guurka leeyahay.


In kasta oo uusan Saddexdii maalmoodba khasaarin, oo uu Ajar gurubsanaayey, haddana wuxuu aamisanaa inuu ku Fashilmay.


W.Q: Xamdi Siman