Jaceyl daacad ah sida aad ku ogaan karto


Anna laanta ubaxa adaan kuu lululayaaa.

Waa maxay jaceyl daacad ah? Sidee ku ogaan kartaa jaceylka daacada ah? Waa maxay farqiga u dhexeeyo jaceylka daacada ah iyo midka dhalanteedka ah?

Su,aalahaasi iyo Su.aalo kaleba waxaad ku baran hooyga jaceylka: Erayojaceyl.com.


Jaceyl daacad ah ama qof ku jecel sida aaad ku ogaan karto ma ahan wax adag.


Waxa uu ka fudud yahay sida loo Kariyo shaaxa.


Dadka intooda badan horay ayeey ka gartaan jaceylka daacada ah iyo kan dhalanteedka ah laakin nasiib daro waxaa jiro dad ay ku adag tahay in ay fahmaan qofka qiyaanoolaha ah ama qofka sida dhabta ah u jecel.


Waxaa laga yaabaa in aad marar badan maqashay jaceyl daacad ah ayaan kuu hayaa hayaa, I aamin aniga, wax walbaa ayaan kuu sameynayaa, adiga la,aanta ma noolaan karo balse mudo kadib xiriirkiini uu hakad galay.



Maxaa sababay in uu burburo jaceylkiina?


Sababoo ah jaceylkaasi ma ahayn jaceyl daaacad ah ee waxa uu ahaa mid waan ku arkay waaan ku caaashaqay.


Jaceyl daacad ah sida lagu helo weey adag tahay balse waxaa fudud sida lagu helo jaceyl dhalanteed ah.


Qof walbaa wuxuu raadiyaa in uu sameysto nolol ku dhisan jaceyl daacad ah ama si, kale aan u iraahdo nolol ku dhisan kalsooni, qof asiga daacad u ah oo aanan marnaba qiyaameynin.


Hadaba wax ka baro tilmaamaha jaceyl daacad ah uu leeyahay ama qof adiga daacad kuu ah.


Aaan ku hormarno sida aad ku ogaan karto jaceyl daacad ah ama qof iska kaa dhigayo in uu ku jecelyahay balse jaceylkiisu yahay mid ku qabo ku dhufo ah.




Jaceyl daacad ah

Jaceyl dhab ah

Jaceyl daacad ah; waa sida malabka shinida oo kale waaana dareen aad u qurux badan.


Jaceyl daacad ah waxa uu sitaa farxad mana ku xirno dano gaaar ah.


Qof aad si dhab ah u jeceshahay waa ka duwan yahay kan dhalanteedka ah ee aanan jaceylkaaga daacad u ahayn.


Waxaan marar badan ka hadalnay qormooyink ku saabsan jaceylka sida erayo jaceyl maantana waxaan ka hadleynaa habka ugu fudud ee aad ku ogaan karto qofka sida dhabta ah kuu jecel.


Waa muhiim inaad kala garato jaceylka daacad ah iyo midka dhalanteedka ah.


Waan ku jeclahay, waan kaa helay, aad baan kuugu riyaaqay, la,aantaa ma noolaan karo waa erayo jaceyl ah oo inta badan la isticmaalo xiiisaha bilaawga ah mudo kadibna hawada ayeey ka baxayaan.

Si, aysan taa u dhicin waxaan akhristayaasheena ku xiran Erayojaceyl.com u diyaarinay sida ay ku ogaan lahaayeen qofka beenlowga ah ee aanan jaceylka qadarin.


Hadaba iska ilaali qof nuucan ah hadaad aragto, jaceyl daacad ah kuuma hayo ee yuusan waqtiga kaaa lumin.


Waa kee qofka aanan jaceylkaaga daacada u ahayn?



Waa qof aan ku qaddarineynin, isla markaasna ay la xunyihiin waxwalba oo aad adiga soo jeedisid.

Waa qof aan kugu kalsooneen, oo waxwalba oo xumaan ah kaa suga.

Waa qof ku caaynaaya markuu kula hadlaa, oo aan afkiisa eray macaan laga maqleynin inuu asiga goaansaday maahane, micnaha aad adiga wanaag kasta oo aad sameysid agtiisa xumaan ka yahay, laakiin adoo xumaan ku sameeyay iska kaa amaanaa mararka qaarna, Waa qof marka aad aragtid aad isku diyaarineesid sida aad isku difaaci laheeyd, iyo erayadii aad ku raali gelin laheeyd.

Waa qof aan hadalkaaga waxba ka soo qaadin, in aad ooysid iyo in aad qosleysidna iskugu midyihiin.

Waa qof aan xushmeynin rabitaankaaga, dhageysanin dareenkaaga, ku daryeelin, balsa kaa suga adiga ama u arko in ay waajib kugu tahay in aad daba socotid, oo aad baahidiisa nooc walba leh buuxisid.

Waa qofka ayagoo dad kale joogaan mucaarad kugu ah, ka soo horjeedo fekerkaaga, isla maarkaasna canbaareeynaayo ama kugu canaananaaya saaxiibadiis/saxiibadaa ama aqayaar kale hortooda.


Waa qof waalidkaa neceb, kaaga sheekeeya xumaantooda, wiilsha iyo gabdhaha kula dhashay aanba la tusi karin.


Jecel in aad kala hartaan asaxaabtaada, marwalba oo aad la kulmeysidna qiil u sameeyo si aad ula joogtid guriga asiga, ayagane aad balantii aad la gashay kaga baxdid. kadibna adiga kaa dhaadhacsiiya in “familkaagii hore” (Waalidkaa iyo waalalahaa) iyo saaxiibadi hore in ay waqti kaa dhumiyaan maahane, ama asiga kugu diraan oo xumaantiis kuu akhriyaan aysan wax faaiido ah kuu keeneynin la kulankooda.

Waa qof ku suaala waxa kugu kasbay in aad qalad sameysid meeshii uu ka fekeri lahaa sida loo sixi lahaa qaladkaaga.

Waa qof kuu sheego jirkaaga foolxumadiisa, dabeecad xumadaada, feker la’aantaada, dooq la’aantaada iyo guuldaradaada.

Waa qof doonis badan, rabana inuu asiga kaliya helo waxa uu rabo.

Waa qof shaki badan oo tusaala ahaan taleefankaaga baara, markaad banaanka jirtid toban jeer ku soo wacaya asoo ku weeydiinaa meesha aad joogtid iyo qofka aad la joogtid.


Waa qof aad jeclaatid in aad bedeshid haddii aad awoodi laheeyd, oo aan hal daqiiqo laheeyn tayooyinkii aad shalay ku dooratay.

Waxaadna ku fekertaa, isna tustaa in aad maalin uun heli doontid “Furaha sixirka ah” oo aad ku furi doontid aqligiisa, indhahiisa iyo qalbigiisa kadibna wanaagaaga iyo jaceylka aad u qabtid arki doona, kana mahadcelin doono, kaa balan qaadi doona in uusan u laaban doonin jir dilkii iyo bahdilki maskaxeed oo horay kuugu geeystay asoo jilbahaaga heeysta.

Nasiib darro ma jiro “Furaha Sixirka ah” ee dumar badan raadiyaan!


Waa qof waxwalba oo aad sameeysid, waxwalba oo aad jeceshahay oo aad dartiis u deeysid, amar walba oo aad ka qaadatid, waxwalba oo aad sida oo asiga kuu sheegay aad ku sameeysid aanan waligiis ku qanci doonin waxa aad tahay.


Waxa uuna sii rabaa inta aad siisay in ka badan, waxuu rabaa in aad waligaa naftaada qax joogta ah iyo qaxarka aan dhamaad laheyn inta nafu kugu jirto aad kula jirtid.

Waa qofka kuugu hanjabo inuu kaa tagayo /mid kale kaa raacayo haddii aad sameeyn weeysid waxa uu kaa rabo.

Waa qof ka maseera wax walba, xataa ilmahiina aad wada dhasheen, sidaas darteed inuu kugu kontaroolo si walba xataa fekerka aad bulshada aad la nooshahay ka qabtid isku daya.


Waa mid isku taxluujiya inuu noloshaadii hore god gelsho, tusaale ahaan haddii aad shaqeeyn jirtay ama aad wax baran jirtid kaa reeba shaqada iyo waxbarashada si aad u noqotid qof aan asiga ka maarmin.


Laakiin marmarsiyo ka dhiganaaya inuu adiga dhibka kuu diidaa, amaba uu diidayo in nimanka kale ku arkaan oo “quruxdaada” la dhacaan.

Waa qof kuu sheegaa waxwalba oo aad sameyneysid, ka soo bilaaw dharka aad ku labisaneysid ku geey filinka iyo barnaamijka aad ka fiirsan kartid tvga ama aad ka dhageysan kartid raadiyaha.


Waa qof haddii aad wax isku qilaaftaan gacantiisa iyo afkiisa gacantiisa ay soo horeyso, oo ku dila.

Waa qof calaacala, dhaar badan, ooyin iyo isdifaac badan markii uu arko in xumaantiisa ku gaartay oo aad diyaar u tahay in aad talaabo ka qaadid dhaqankiisa xun, si uu kuugu haayo meeshaada, waxwalba uu ogyahay in aad kula joogi kartid ayuu kaa balan qaadaa, asbuuc kadibna dhaqan xumadiisii iyo bahdilkiisii ayuu ka sii wataa halkii hore.


Waa qof markuu xanaaqa kugu ciqaabo siyaalo kala duwan, sida inuusan kula hadlin, inuu is moogeysiiyo in aad la joogtid, inuu erayo xun oo xanuunkooda uusan aqoonin sida uu qalbigaaga u gubanayo oo kugu dhego jibsho markasta oo ku arko.

Waa qof adoo la joogo la sheekeeysta dumarka kale, si uu adiga kuu ciqaabo. Ama adigoo maqlaa taleefan gabar kale ku shukaansada.

Waa kan isku sheegaa inuu ku jecelyahay laakiin ilmahaaga hortooda kugu dila, kugu caaya.

Waa qof DAN darteed kuula nool, dadka ugu sheekeeyo inuu kugu meel gaaraayo, tusaala ahaan maal/lacag.

Haddii aad aragto qof leh tobankan ama shan ka mid ah xataa calaamadaha aan kor ku soo xusay ka bixi noloshaada, haddii aad badbaado rabtid.

Maxaayeelay jaceylka qofkaas waxuu isku bedelay NACEYB, iyo jirooyinka JIRKA iyo QALBIGA ku dhaca, oo ay ka midyihiin xasidnimo, xiqdi, nafjeceel, awood jeceel, naxariis la’aan iyo kontaroolka nafafka kale loogu tagri falo, laguna bahdilo. Waana hubaal lama noolaan kartid qofkaas ileen waa qof wata cudur kugu dhici karo oo ku faafi og markiiba xidida jirkaaga.


NB! Calamadaha aan soo sheegnay ma quseeyaan wiilasha/ragga oo kaliya, ee sidoo kale dumar fara badan ayaa leh tilmaahaas, oo kula dhaqma ragga/wiilasha ay “umaleeynaa” ama u sheegaan in ay jecelyihiin.

Fartuun Birimo: Anoo noole kuu jecel. Haddaad raacday naag kale., Nafta aad wadaagteen. Waa naruuro beeshee, Aan is nabad gelyeynee, Maxaad iigu soo noqonee Amaad iigu naaloonee, Nuxurkaaga iga guur.!”

W/Q Canab Abuukar Axmed (Canabeey)